پارێزەر هاوناز جاف وەڵامی پرسیارەكە دەداتەوە

وەڵام :مەرجەكان

1. دەبێت ژنی یەكەم لەبەردەم دادگادا ڕەزامەندی نیشان بدات بەهێنانی ژنێكی تر بەسەریدا.

2.ژنی یەكەم نەخۆشییەكی بەردەوامی هەبێت و بەنووسراوی پزیشك پشت ڕاست بكرێتەوە، نموونەی نەخۆشیەكان ( منداڵی نەبێت،  نەتوانێت حەقی سەرجێیی مێردەكەی بدات. هتد...) واتە نەخۆشیەك بێت كار لە مافی ژیانی هاوسەری بكات.

3.پیاوەكە توانای دارایی زیاتر لەژنێكی هەبێت و بەبەڵگە بیسەلمێنێت.

4.پیاوەكە لەدادگا بەڵێن نامەیەك بە نووسین پڕبكاتەوە كە یەكسانی دارایی و معنەوی ژنەكان بپارێزێت.

5.ژنی یەكەم لەگرێبەستی زەواجەكەیدا مەرجی ئەوەی دانەنابێت كەنابێت ژنی تری بەسەردا بێت.

سزاكەی:

*هەركەسێك گرێبەستی زەواج بۆ زیاتر لە ژنێك بەپێچەوانەی یەكێك لەو مەرجانەی سەرەوە ئەنجام بدات، بەحەپس كردن لە شەش مانگ كەمتر نەبێ و لە ساڵێك زیاتر نەبێت + بەغەرامەی (10) ملیۆن دینار سزا ئەدرێت.

*دادوەر بۆی نیە ئەو سزایە ڕابگرێت.

*یاسای باری كەسێتی كوردستان ژمارە 15 ی ساڵی 2008.