بەپێی ڕاگەیەنراوێكی لیژنەی پاڵپشتی رۆژنامەنوسان كە كۆپییەكی بۆ (پەیك میدیا) نێردراوە ڕایدەگەیەنێت، دووپاتیكردەوە رێوشوێنە یاسایەكان بەردەوامن بۆ تەواوكردنی مینحەی رۆژنامەنووسان.

دەقی ڕاگەیەنراوەكە:
سەندیكای رۆژنامەنووسانی عێراق لەسەر داواكاری لیژنەی پاڵپشتی رۆژنامەنووسان هاوكاری رۆژنامەنووسانی كوردستان دەكات

سەڵاح زوبەیدی نوێنەری لیژنەی پاڵپشتی رۆژنامەنووسان-نووسینگەی عێراق و بەڕێز موئەید لامی نەقیبی رۆژنامەنووسانی عێراق گفتووگۆیان لەسەر پێگهێنانی تیمێكی هاوبەش كرد بۆ پاڵپشتی رۆژنامەنووسان و چارەسەركردنی كێشەكانیان.

لامی لە چاوپێكەوتنەكەدا پاڵپشتی و هاوكاری خۆیی راگەیاند لەگەڵ لیژنەی پاڵپشتی رۆژنامەنووسان و ستایشی رۆڵی پێشەنگ و بەرچاوی كرد لە پاڵپشتی رۆژنامەنووسان و داكۆكیكردن لە مافەكانیان.

هەردوولا باسیان لەو كێشە و بەربەستانە كرد كە رووبەڕووی رۆژنامەنووسان دەبنەوە و بەپێویستیان زانی مافە رەواكانیان دابین بكرێت و لەسەر پێكهێنانی تیمێكی هاوبەش رێكەوتن بۆ یەكلایی كردنەوەی كاروباری رۆژنامەنووسان و گوێگرتن لە كێشەكانیان و بەجێگەیاندنی مافەكانیان.

لامی دووپاتیكردەوە رێوشوێنە یاسایەكان بەردەوامن بۆ تەواوكردنی مینحەی رۆژنامەنووسان و ئامادەیی خۆی دەربڕی بۆ هاوكاری كردنی هەموو میدیا و رۆژنامەنووسانی كوردستانی عێراق و دووپاتیكردەوە ئامادەیە كارئاسانی بۆ ئەو كەسانە بكات كە ئارەزووی بەدەستهێنانی ناسنامەی سەندیكای رۆژنامەنووسانی عێراق دەكەن.

لەلایان خۆیەوە سەڵاح زوبەیدی نوێنەری لیژنەی پاڵپشتی رۆژنامەنووسان-نووسینگەی عێراق رونیكردەوە ئەو تیمەی لیژنەی پاڵپشتی رۆژنامەنووسان و سەندیكای رۆژنامەنووسان رێكەوتوون لەسەری، هەموو كارووبارەكانی رۆژنامەنووسان دەگرێتە ئەستۆی خۆیی و پەیوەستە بە پاڵپشتیكردنیان و داكۆكیكردن لێیان و گەڕانەوەی مافەكانیان و دەرگاكانی بۆ هەمووان واڵا دەكرێت بەبێ‌ جیاوازی، پاشان ستایشی رۆڵ و هەڵوێستی موئەید لامی نەقیبی رۆژنامەنووسانی عێراق و سەرۆكی یەكێتی رۆژنامەنووسانی عەرەب كرد بەرامبەر بە لیژنەی پاڵپشتی رۆژنامەنووسان.