بەپێی ڕاگەیەنراوی دەستەی ناوچە كوردستانییەكانی دەرەوەی هەرێم كە بڵاوی كردۆتەوە تێیدا ئاماژە بەوە دەكات، لەیەكەم وێستگەی سەردانەكەدا، رۆژی یەك شەمە ٩ی تەمموز، فەهمی بورهان و جوتیارانی كەركوك لەگەڵ سەرۆك كۆماری عێراق (د. لەتیف رەشید) ڕاگەیاند.
لە ڕاگەیەنراوەكەدا هاتووە"سەرۆك كۆماری عێراق داوای لە جوتیارانی كەركووك كرد، دان بەخۆیاندا بگرن و هەوڵ بدەن ئارامی و ئاشتی نێوان پێكهاتەكان بپارێزن تا بەئارامی كێشەكان چارەسەر بكەن و ئاماژەی بەوەدا كە بەردەوام دەبێت لەبەدواداچون بۆ ئەو پرسە".
ڕاگەیەنراوەكە دەڵێت"هەر لەكۆبوونەوەكەدا بەڕێز سەرۆك كۆمار ڕێنمایی بە لایەنە پەیوەندیدارەكاندا كە بە پێی دەستور و مادەی 140ی دەستور كێشەی زەوی و زار چارەسەر بكەن و پەنا نەبرێتە بەر توندوتیژی چونكە بەوە كێشەكان قوڵتر دەبن نەك چارەسەر".
هاوكات، فەهمی بورهان سەرۆكی دەستەی ناوچە كوردستانیەكان و نوێنەری جوتیارانی كەركووك لەگەڵ هەریەكە لە (هادی عامری) سەرۆكی لیژنەی جێبەجێ كردنی مادەی 140 ی دەستور و وەزیری كشتوكاڵی عێراق و (ئەحمەد فەتلاوی) سەرۆكی دەستەی هەماهەنگی پارێزگاكان كۆبۆوە.
ڕاگەیەنراوەكە ئەوە دەخاتەڕوو، لەكۆبونەوەكاندا پرسی جێبەجێ كردنی مادەی 140 دەستور و كێشەو گرفتەكانی جوتیارانی ناوچەكە و هەڵوەشاندنەوەی بڕیارەكانی سەركردایەتی شۆڕشیان تاوتوێكرد.
هەر بەگوێرەی ڕاگەیەنراوەكە، بڕیارە وەفدەكە هەر بەغدا چەند دیدارێكی دیكەی ئەنجام بدەن و داوای وەرگرتنی بڕیاری مۆڵەتدان بەدەستكردنەوە بە كاری كشتوكاڵی و چارەسەر كردنی ڕێگریەكان دەكەن، پاشان كۆتایی بە مانگرتن و خێوەتەكە بهێنن.