هەروەها زۆربەیان تاتۆ و نەخشی سەرجەستەیان وەك یەك وابوو یان هاوشێوەی تاتۆكانیان، یەك رەنگ و یەك دیزاین و بوو، جگە لەوە هەموویان سەرتاشین و ماسكەكانیان وەك یەك بوو.

هاوڕێیەكم كە هاوپۆلمە لەزانكۆ كچێكی خەڵكی سلڤادۆرە و كارمەندی باڵیۆزخانەی ئێل سلڤادۆر بوو لە ئەڵمانیا، پرسیارم لێكرد، بۆچی هەموویان ئاوا وەك یەكەن و بەو جۆرە مامەڵەیان لەگەڵ دەكرێت؟.

گوتی: لە بنەڕەتدا وەك یەك نین، بەڵكو حكومەت بە تەكنیك بەجۆرە نمایشیكردن، لای ئێمە زۆربەی سەرۆك باند و بازرگانە بەهێز و گەورە و تاوانكارەكان جۆرێكی تاتۆی تایبەت بەخۆیان هەیە.

ئاماژەی بەوەكرد، حكومەت بۆ ئەوەی سەر لەوانە بشێوێنێت كە كام لە مافیاكانیان سەربە و باندەی هەوڵی رزگاركردنی سەرۆكەكانیان بدەن لەكاتی گواستنەوە هات ئەم رێگاییە بەكارهێنا.

لەبارەی رێگاكە گوتی: هەر دە كەس كە نزیك بوون لە باڵا و روخسار و جەستە تاتۆیەكی هاوشێوەی سەرۆك باندەكانی لەسەر جەستە دروستكردن، تەنانەت بەشێكیان كارمەندی دەزگای هەواڵگری بوون، بەهۆی لێكچونیان لە سەرۆك باند و مافیاكان رۆڵی زیندانیان بینی، بۆ ئەوەی لەكاتی گواستنەوە باندەكان نەزانن كامە سەرۆكەكەیانە و هەوڵی رزگاركردنی نەدەن.

هەروەها گوتیشی: كاتێ زیندانیەكان گواسترانەوە بە ماسكەوە و زۆربەشیان لەیەك دەچوون، هیچ یەكێك لە باندەكان نەیانتوانی سەرۆكەكانیان بناسنەوە و هێرش بكەن و سەرۆك باندەكەیان رزگاربكەن، بەجۆرە تەكننیكی گواستنەوەی سەرجەم زیندانیان سەركەوتوو بوو  و هیچ كێشەیك رووینەدا.
ئەو هاوڕێیەم ئاماژەی بەوەكرد، پێشتر چەند جارێك لەكاتی گواستنەوەی سەرۆك باندەكان، ئەندامانیان هێرشیان دەكردە سەرپۆلیس و ئۆتۆمبێلەكانیان و پۆلیسەكانیان دەكوشت و بازرگان و سەرۆك باندەكانیان رزگاردەكرد، بۆیە حكومەت ئەو ریێگایەی بەكارهێنا.

هەروەها گوتی: 50%ی ئەوانە نەك زیندانی نەبوون بەڵكو كارمەندی حكومەت، پۆلیس و كارمەندانی دەزگای هەواڵگری بوون ئەو رۆڵەیان بینی.